三笑姻緣粵劇經典老電影

❸ 跪求完整任白版《三笑姻緣》原聲下載

在土豆有求神的段子，你可先下來聽著。全集幫不到你了，慚愧。

任劍輝白雪仙三笑姻緣之求神音頻（http://www.tudou.com/programs/view/RuRMwj6O1p0/ ）

❹ 求 粵劇（任白）三笑姻緣求神 唱詞

(生白) 小姐，拜神呀，真系神心咯，拜得神多自有神庇佑，小姐真系靚既啫，小姐，點解唔出聲呀。(小曲) 求神，求神，誠心禮佛來求靈神，同小姐你三生有幸，同小姐你成為情人，好心嬌姿你憐憫。(旦接) 勸你說話謹慎，嬌花休想過問，喂，勸你要立品行，快快離開，咪咁黏身。(生接) 小生熱情太甚，初相見心中愛玉人，我初初學人去蜜運，喂，省我貓面太無癮。(旦小曲) 衰人講嘢令我憎，所作所為，認真下品。(生接) 點算下品啫，我有心求鳳引咋，觀音你應動慈善既心㗎 (旦接) 觀音實無亂咁幫壞人立錯心，(生接) 觀世音都有救苦救難心㗎 (旦接) 你乞我僧，面蒙夾牙痕。(生接) 我性風流，喂，我還未結婚。(旦接) 喂，你自量嚇喇，系乜嘢人，你個貓樣生成會有人共結婚咩。(生接) 我著名貌美同姑娘合襯。(旦接) 啋，咪黎悶我呀，你悶人悶到擝既 (生接) 但求共你做對有情人。(旦接) 你個衰人，邊個共你相親。(生禿頭二王) 你呢只高竇的貓兒，許配呢個痴人，最合襯。(旦唱序) 你可謂瘋狂傻?腎。(生唱)鬼叫你風騷嬌嗲，而且態度咁天真。(旦唱序) 唔該你咪立壞個心啦。(接) 我有我拜神，你做乜將人胡混呀。(生唱序) 你一定拜神求婚嬪 (旦接) 你下流賤格，真系正一衰人 (唱序) 你做鬼好過做人。(生接) 就算我死落黃泉，魂魄都追隨你左近。(旦唱序) 我睇閻羅王都唔肯呀。(唱) 要你落十八層地獄，等你做只地府既冤魂。(生白) 笑話喇。 (小曲) 相信泉下閻君，一定憐念有情人。(旦接) 咁你共鬼有緣份呀，快去地下成婚姻啦。(生接) 乜你咁鬼黑心唧，我心意一番真情共嬌訂鳳盟。(旦接) 你成個壞人，說話得人怒憤。(生接) 哈，你嬲得真美麗，最妙發嬌嗔，好心啦將我憐憫。 (旦接) 睇你周身冤氣騰騰，認真氣壞人。(生士工慢板) 一朵好嬌花，應要憐粉蝶，你好比天上嫦娥，令我情不自禁。(序白) 可憐嚇啦小姐。 (旦快慢板) 登徒子，你似瘋狂。乞憐搖尾真系有失斯文，(生土工慢板) 我貌似潘安，風流倜儻，七尺昂藏，真繫世間難搵。(序白) 嗱你睇真嚇啦。(旦快慢板) 再講多，都嫌哂氣，今天倒運，遇啱你個學神。(生小曲) 我愛你貌美兼豐韻。還求望原諒我苦困。自見過你，頓覺心深印。(旦接) 成日咁悶人，令我太討厭，真真乞我憎，怒憤。(生接) 你完全唔明，我繫世間既文人。你要應允，共我結婚嬪。(攝白) 應承啦小姐。(旦接) 邊個孖你同成婚。霎?，妄想賤格無品。棧你亂咁諗。你若夠精即刻收嚇心，大教瞓。(生中板) 叫一句好姑娘，我愛你面似芙蓉，都不用調脂傳紛。叫一句好小姐，我愛你秋波一轉，柳眼明媚窺人。叫一句好姑娘，我愛你口似櫻桃，更有入骨既銷魂豐韻。叫一句好小姐，我不是狂峰浪蝶，我系江南第一個才人。(花) 俺小生唐寅字伯虎號六如，蘇郡吳縣人，望小姐將痴郎憐憫。(白) 小姐，我系一個文人嚟㗎，唔系嚇你，我的學問好啃㗎噃。(旦白) 躝開。(旦長二王) 你呢個文人乞我憎，你個鼻哥的確啃，周圍錫索用個鼻聞人，勸你養性收心求學問，勸你行為自檢，真個失斯文。須知大好嬌花，豈容狂蝶引。就算花能解語，也未許浪蝶纏身。徒負了大好年華，就算你有滿腹經論，都系下品。(一才收堀白) 我無咁得閑同你發牙痕。(生白) 小姐你貴姓名呀？(旦白) 點解要講俾你知啫，唔講。(生白) 講啦小姐。(旦白) 哈，你咪拉手拉腳噃你。(生白) 咁你講喇。(旦氣白) 都話唔講咯。(另旦在遠處白) 秋香姐走喇。 (旦白) 哦，嚟喇。(生白) 哦，原來你系秋香姐呀。 (旦笑一聲下介) (生白) 秋香，秋香，唉，觀音賜我緣和份，回頭一笑倍銷魂。(快花) 且看是誰家淑女，我一於要死跟。

❺ 好看的粵劇

帝女花——任劍輝 白雪仙 or 龍劍笙 梅雪詩
紫釵記——任劍輝 白雪仙 or 龍劍笙 梅雪詩 or 蓋鳴暉 吳美英
西樓錯夢——龍劍笙 梅雪詩
牡丹亭驚夢——龍劍笙 梅雪詩 or 蓋鳴暉 梅雪詩
三笑姻緣——龍劍笙 梅雪詩 or 蓋鳴暉 吳美英
李後主——任劍輝 白雪仙 or 龍劍笙 梅雪詩
雷鳴金鼓戰笳聲——林家聲
鳳閣恩仇未了情
柳毅傳書
樓台會（梁祝）
九天玄女
山伯臨終——陳笑風
客途秋恨——白駒榮
三看御妹
醉打金枝
昭君出塞——紅線女